Жастар Сайты

      Өткен сенбіде Орал қаласында облыс жастары Дүниежүзілік нашақорлық пен есірткінің заңсыз айналымымен күрес және Жастар күндеріне орай  бірнеше акция ұйымдастырды.

     Алдымен, Абай атындағы орталық алаңда белсенді жастар елдің картасы бейнеленген баннерге Астананың туған күніне арнаған ақ тілектерін жазды. Бұл тақта күні ертең елордаға жөнелтіліп, үлкен кенепке жалғанып, мерейлі күні осы құттықтаулар оқылатын болады.

      Оралдағы Жастар Мәдениет сарайында «Бос орын 2010» атты жұмыс жәрмеңкесі өтті. Жылдағы өтетін шараны биыл қалалық жұмыспен қамту және әлеуметтік бағдарламалар бөлімі мен «Болашақ - жастардікі» қоғамдық қоры жанындағы «Жастарды жұмыспен қамту» орталығы ұйымдастырған.

   Батысқазақстандық қос самбошы Ташкент қаласында өткізілген Азия чемпионатынан жеңімпаз болып оралды.  Әскери самбодан 24 жасар балуан Бауыржан Ғұмаров 68 келі салмақ дәрежесінде Өзбекстан елінің спортшысы Әлішер Тораевты, түркіменстандық Пена Нұрышевты, Ресей балуаны Даш-Шви Аибекті тізе бүктіріп, финалда кореялық Ку Мунг Кимен белдесіп, таза жеңіске жетті.